“Од година во година работата се прошируваше, а со тоа се зголемуваше и нашиот возен парк. Некаде во 2008 година покрај транспортот на текстил започнавме да вршиме и транспорт на смрзнато овошје и зеленчук за чии потреби беа набавени нови камиони.”

Грдовјанка, која има 50 вработени, денес располага со 30 камиони од кои најголем број се од познатата свeтска марка Волво. Во 2006 година беа набавени првите два половни камиони, а од 2008 година до сега се купени уште 13 потполно нови камиони.

“Едноставно мора да се има камиони од врвен светски производител ако сакате квалитетно да ги извршувате своите деловни обврски спрeма своите клиенти кои исто така се познати светски брендови”, објаснуваат Доневи. “Волво камионите ги исполнуваат сите светски стандарди, како во однос на квалитетот така и во однос на сервисните услуги. Имаме одлична соработка со сервисната и продажната служба на Волво Македонија, која е базирана на обострана доверба и размена на искуство. Можеме да се пофалиме дека во својот возен парк имаме од новата FH серија и тоа два со Euro 6 и еден со Euro 5 мотори”.

Според плановите и идеите за развој на компанијата, постојано се инвестира како во возниот парк така и во нови објекти.

Модерна деловна зграда, голем паркинг и добро уреден сервис е првото нешто што ве пречекува при секоја посета на транспортната компанија Грдовјанка од Штип. Компанија која постои од 1991 година и компанија која има добиено многу признанија за својата успешна работа од кои секако највредно е признанието за најдобра македонска транспортна компанија во 2008 година.

И кога партнерите на Грдовјанка работат со намален интензитет, како што е случај околу католичките божиќни празници, во штипската компанија останува одличната работна атмосфера, каде што секој си ја извршува својата обврска.

Некаде во 1991 година, сопружниците Стојка и Славе Доневи, се решаваат да отворат транспортна фирма.

„За таа цел тогаш купивме еден половен МАН камион, а сопругата Стојка стана прва жена со возачка дозвола за камион“, вели Славе Донев, најстариот член на семејството, кој пред тоа, 17 години работел како возач во земјоделскиот комбинат. „Името на фирмата потекнува од родното место на сопругата Стојка – Грдовци“.

Во почетокот фирмата се занимаваше со внатрешен транспорт и набрзо набавува уште едно ново возило, нов Застава камион. Но, од 1993 година започнува соработка со Mayer&Mayer, една од најстарите и најпознати транспортно логистички фирми за текстил во Германија.

После само една година соработка со оваа позната компанија, потпишан е долгорочен договор за соработка кој беше еден од првите од таков вид во Македонија.